martes, 22 de maio de 2018

CONTACONTOS- LETRAS GALEGAS 2018

A nosa compañeira e colaboradora de biblioteca, elaborou un conto para os máis pequen@s, que foi todo un éxito.









MOITAS GRACIAS, LUCIA !


LETRAS GALEGAS 2018

Con motivo das Letras Galegas dende a biblioteca fixemos unha feira do libro, na que todolos nen@s podían facer un intercambio de libros.
















































                        Os nen@s que participaron recibiron unha pulsera da nosa mascota.



















 Os nos@s colaboradores  reciben un   agasallo pola súa implicación coa biblioteca de primaria durante todo o curso e polo seu traballo, perdendo horas de lecer.
                                                     MOITAS GRACIAS RAPACES !

       






martes, 15 de maio de 2018

MÉRCORES 16, CÓDIGO SECRETO

Agora tócalle a Carmela, a profe de Historia, que nos ensinará a xogar a Código secreto.
Divertido e entretido xogo de espías, claves secretas, códigos descoñecidos..., todo un mundo novo de intrigas e misterios que terás que adiviñar e sortear para gañar a partida.
Os xefes de espías saben as identidades secretas dos 25 personaxes. Os seus compañeiros de equipo, en cambio,
só coñecen aos axentes a partir do seu nome en clave.
Os xefes de espías iranse alternando para achegar pistas compostas por unha soa palabra. Unha pista pode relacionarse con varias das palabras que hai sobre a mesa. Os axentes tentarán logo adiviñar a que palabras se refire o seu xefe. Cando un axente toque unha palabra, o xefe de espías revelará a súa identidade secreta. Se se trata dun dos seus axentes, estes poderán seguir adiviñando ata que queden sen ideas para a pista que lles deron ou ata que sinalen unha persoa que non sexa do seu equipo; se fallan ou se deteñen, empezará a quenda do equipo rival. O primeiro equipo en contactar con todos os seus axentes gañará a partida
A clave é: divertirse.

MARTES 15, DIXIT

Hoxe tócalle á profesora de matemáticas, Silvia. Será a que presente Dixit durante o primeiro recreo.

Un dos xogadores fai de contacontos en cada un das quendas. Observa as súas 6 cartas da man e, dunha delas, debe construír unha frase e dicila en voz alta (sen mostrar a carta aos outros xogadores).
A frase pode construírse de varias formas: pode estar feita dunha ou máis palabras, e mesmo pode ser un son. A frase pode ser inventada ou pode estar inspirada na poesía, literatura, cinema, etc.
O resto de xogadores seleccionará de entre as súas cartas a que mellor se adapte á frase construída polo contacontos. Entón, cada xogador dálle a carta elixida ao contacontos sen que os demais xogadores poidan vela.
O contacontos baralla a súa carta coas que recibiu dos outros xogadores e colócaas  aleatoriamente boca arriba na mesa. O obxectivo dos xogadores é adiviñar cal das cartas é a que o contacontos usou para construír a súa frase. Cada xogador vota de forma secreta a carta que cre que pertence ao contacontos (o contacontos non pode votar).
Para iso, coloca boca abaixo fronte a el a ficha de voto correspondente ao número da carta elixida. Unha vez que todos os xogadores votaron, dáse a volta ás fichas de voto e colócanse nas cartas correspondentes.
Puntuación
- Se todos os xogadores acertan a carta do contacontos, ou se ningún xogador a acerta, todos os xogadores excepto o contacontos gañan 2 puntos.
- En calquera outro caso, tanto o contacontos como os xogadores que acertasen, obteñen 3 puntos.
- Todos os xogadores, excepto o contacontos, gañan un punto por cada voto que reciba a súa carta.
Os xogadores avanzan o seu coello pola escala de puntuación un número de espazos igual aos puntos que obtiveron.
Cada xogador rouba cartas ata ter 6 na súa man. Agora o contacontos será outro
O xogo termina cando se rouba a última carta. O xogador que máis lonxe chegase na escala de puntuación é o gañador.

domingo, 13 de maio de 2018

LUNS 14, STORY CUBES

Comeza a presentación dos xogos novos con Story Cubes. Será a profesora de Inglés, Rosalía, a encargada de facelo durante o primeiro recreo.
Se vos gustan os contos, inventar historias e tedes unha gran imaxinación, Story  Cubes é o xogo ideal.
Story  Cubes está formado por nove dados de seis caras cada un, o que fai un total de cincuenta e catro imaxes diferentes o que fan posible máis de dez millóns de combinacións posibles, o que vén ser unha cantidade infinita de posibilidades para crear historias.
Lanzade os dados e, comezando por “Era unha vez…”, inventade unha historia que involucre os 9 resultados.
Story  Cubes é en principio un xogo non competitivo, nin se gaña nin se perde, só haberá que deixar voar a imaxinación.

venres, 11 de maio de 2018

VENRES 25, CORTEX E VIRUS

Hoxe rematamos con dous en lugar dun. Ruta presenta Cortex e Elena Virus.
Con  Cortex  Challenge poñerás a proba as túas habilidades visuais, a túa axilidade mental, a túa capacidade..., para ser o primeiro en completar o teu quebracabezas-cerebro. Gozarás de 8 tipos de probas diferentes: memoria, labirintos, cor, coordinación, repetición, frecuencia, razoamento e probas táctiles.
Serás capaz de vencer nesta dura proba?
Con Virus terás que construír un corpo humano mentres evitas que os rivais infecten, destrúan ou rouben os teus órganos.

XOVES 24, HIVE

Despois deste descanso chega Sonia de Inglés con Hive.
Posiblemente o mellor xogo para 2 persoas cun formato sorprendente: sen taboleiro, a unión dunhas pezas con outras vai dando forma á colmea.
Cada xogador empeza cunha reserva de 11 pezas hexagonales dunha cor (branco ou negro), cada unha das cales representa un insecto. En total serán 3 formigas, 3  saltóns, 2 escaravellos, 2 arañas e unha raíña. Na primeira quenda cada xogador colocará unha das súas pezas, a que queira, no centro do taboleiro, en contacto coa do seu opoñente. E por quendas poderá facer unha de dúas accións posibles: poñer en xogo unha nova peza ou mover unha colocada anteriormente. Por suposto, existen algunhas restricións: a raíña ha de ser posta en xogo nos catro primeiros quendas e un xogador non poderá mover ningunha peza ata que a súa raíña estea na colmea.

Regras de movemento.

  • A Raíña - Só poderá mover un espazo por quenda.
  • O Escaravello - Só poderá mover un espazo por quenda, coa particularidade de poder moverse por encima da colmea, anulando a calquera peza sobre a que se atope.
  • O  Saltón - Non se move ao redor da colmea. Senón que saltará calquera número de pezas ata atopar unha nova posición na que caer. Tampouvo salta por encima de ocos.
  • A Araña - Move exactamente tres  espazos por quenda. Nin un máis nin un menos.
  • A Formiga - Pode moverse ao redor da colmea a calquera nova posición.

xoves, 10 de maio de 2018

XOGOS

Como xa anunciamos, temos xogos novos: Virus, Dixit, Código secreto, cubos de rubik, Story Cubes, Hive e Cortex. Tamén renovamos os antigos con novos taboleiros e fichas para xadrez, damas e parchís.
Para garantir a súa conservación, recordade:
Normas de uso:
  • Os usuarios deberán acudir á biblioteca a solicitar o xogo desexado. Quen o recolle será o encargado de devolvelo.
  • Só se presta un xogo por usuario.
  • O uso será, exclusivamente, na zona do vestíbulo.
  • Haberá que cubrir o rexistro que hai para tal fin.
Responsabilidades:
  • Custodiar e coidar o xogo durante o préstamo.
  • Advertir ao persoal da biblioteca de calquera anomalía ou dano que se observe.
  • Non dobrar, marcar, romper, escribir... nos elementos do xogo.
  • O profesor responsable encargarase de: manter a calma na zona, axudar aos principiantes, potenciar o xogo limpo, procurar que recollan con tempo.
Incumprimento das normas:
  • Calquera actuación contraria as normas suporá a suspensión do servizo de préstamo temporal ou indefinidamente ou a sanción disciplinaria.
  • O roubo, destrución ou deterioro irreparable do xogo ou dos seus accesorios implica a reposición con outro de similares características.

sábado, 5 de maio de 2018

LETRAS GALEGAS, 2018


María Victoria Moreno foi a autora elixida pola Real Academia Galega para dedicarlle o Día das Letras 2018.
Hai moitas maneras de achegarse a ela, aquí só algunhas:
  • As exposicións que difunde a Secretaría Xeral de Política Lingüística, nas que se fai un percorrido polos momentos máis significativos da autora. Contan coas guías respectivas, para Primaria e para Secundaria.
  • Glogster realizado polo equipo da biblioteca con invitacións de traballo.
View more presentations or Upload your own.

XOGOS DE MESA

Extraescolares e Biblioteca veñen de renovar os xogos de mesa. Aquí a presentación: Virus, Dixit, Código secreto, cubo de rubik, Story Cubes voyage, Hive e Cortex.
Informádevos na biblioteca sobre as normas de uso e animádevos a intentalo.
Incluso podedes ver uns titoriais para aprender a xogar.











venres, 4 de maio de 2018

OS DO CLUB DE PASEO

Este curso, como fin de festa, os do club tamén foron de excursión.
Desta vez a Santiago onde organizamos unha convivencia co club de lectura do IES Ferro Couselo de Ourense. A ocasión serviu para xuntarnos tamén con Pilar, a nosa antiga profe de Francés.


mércores, 2 de maio de 2018


SABELA GAGO, ESTIVO NO CPI A CAÑIZA 
CON MOTIVO DO DÍA DO LIBRO,
 É UNHA CONACONTOS  EXTRAORDINARIA, 
XA QUE FIXO QUE   OS GRANDES  E PEQUENOS
  O PASÁRAMOS XENIAL.
ADEMÁIS DEMOSTROUNOS QUE OS NEN@S DA CAÑIZA TEÑEN MAXÍA!!!!!








 MOITAS GRACIAS POR FACERNOS PASAR UNHA MAÑÁ CARGADA DE RISAS E MAXIA.