mércores, 30 de decembro de 2015

luns, 28 de decembro de 2015

CALENDARIO DO LIBRO E DA LECTURA, 2016

A Secretaría Xeral de Cultura vén de facer público o Calendario do libro e da lectura para o ano 2016 no que se lembran algunhas das datas máis relevantes neste ámbito para o ano que comeza.
A autora da ilustración é Tania Solla.

sábado, 26 de decembro de 2015

FESTIVAL NADAL 2015

No festival de Nadal, na casa da cultura, contamos coa actuación do dúo Os MonifatesAlberto Millán Betanzos e José Piñeiro Pérez.
Ambos artistas, que contan cunha ampla traxectoria no mundo da música e no traballo de recuperación de instrumentos tradicionais galegos, explicáronos a orixe e o proceso de fabricación dalgúns instrumentos antigos.

Pero ademais, actuaron acompañados de dous bailaríns de excepción:  Xaquín e Maruxa, uns monicreques.
Incluso o noso alumnado se animou a participar; algúns acompañaron aos Monifates.
Outros cantaron panxoliñas maxistralmente dirixidos por Ruta, a nosa profesora de Música.
Aínda que nada mellor que velos e escoitalos actuar.








De volta ao centro, completamos a xornada con:
  • Un obradoiro de decoración do Nadal dirixido por Laura, a profe de Plástica.
  • Cine na biblioteca coa película "La teoría del todo".
  • E, como non podía ser doutro xeito, actividades deportivas: fútbol e baloncesto; neste último tamén se animaron algúns profesores.




mércores, 16 de decembro de 2015

xoves, 10 de decembro de 2015

GUÍA LECTURA, NADAL 2015

Os trasnos da biblioteca invítanvos a enredar, con eles, no mundo de maxia e fantasía que achega a guía de lectura da ESO.

martes, 8 de decembro de 2015

NADAL

Nesta unidade didáctica pódese traballar a figura do Apalpador: a historia, caretas, siluetas para colorear, unha postal... ata a coreografía do seu baile!!!!!

Tamen a Coordinadora Galega de Equipos de Normalización e Dinamización Lingüística (CGENDL) ofrece un especial de Nadal con panxoliñas, refráns, concursos, contos...

sábado, 14 de novembro de 2015

O MUNDO DÓESE DE PARÍS

Máis dun centenar de mortos e decenas de feridos nunha cadea de atentados en París.
Horas despois, unha onda de mostras de agarimo e apoio estendeuse por todo o mundo. Edificios, públicos e privados, de todos os recunchos do planeta, tinguíronse coas cores da bandeira francesa, e nas redes sociais acumuláronse viñetas con mostras de empatía.




Do artista francés Jean Jullien 
Do arxentino Nick

 Da xornalista Clementine Sarlat 


venres, 13 de novembro de 2015

PREMIO CERVANTES 2015

O escritor mexicano Fernando del Paso foi galardoado co Premio Cervantes 2015. Cúmprese así, de novo, a lei non escrita que reparte alternativamente o galardón entre Latinoamérica e España, despois de que en 2014 recaese no escritor español Juan Goytisolo.
Del Paso é un home polifacético: escritor, debuxante, pintor, diplomático e académico, publicou poesía, teatro, contos, ensaios... e, sobre todo, tres novelas que xa están consideradas como fundamentais na narrativa iberoamericana do século XX: "José Trigo", "Palinuro de México" e "Noticias del Imperio".
Entre as súas últimas producións están: a novela "Linda 67. Historia de un crimen", o poemario "PoeMar" e o ensaio "Viaje alrededor del Quijote".
   

martes, 3 de novembro de 2015

VIDEOCONFERENCIA PARA 3º ESO

Con motivo da celebración do VI Día da Ciencia en Galego, a Coordinadora Galega de ENDL organiza o mércores 4 de novembro, de 12:30 a 13:30 horas, unha videoconferencia vía web, na que o investigador galego, Xurxo Mariño Alfonso, achegará temáticas de interese científico.

sábado, 31 de outubro de 2015

martes, 27 de outubro de 2015

A BIBLIOTECA

A Biblioteca, de Jason  LaMotte, conta a historia de Emily, unha nena de 13 anos, que comeza a recibir notas dun admirador secreto na biblioteca á que acode cada día.
Estas notas diríxena a vellos libros románticos que están nos estantes da biblioteca.
Quen será o autor desas notas? Será algún dos rapaces cos que comparte espazo?

luns, 19 de outubro de 2015

PREMIO PRINCESA DE ASTURIAS DAS LETRAS, 2015

Aínda que dende xuño coñecemos o premiado no ámbito das letras, o cubano Leonardo Padura, será o 23 de outubro cando teña lugar a cerimonia de entrega dos Premios Príncipe de Asturias 2015.
Actualmente é considerado pola crítica internacional entre os novelistas máis importantes da narrativa da illa, xa que é un dos creadores da nova novela detectivesca, na que o policial é só un pretexto para falar da sociedade cubana e facer un exame de conciencia da súa xeración.

venres, 9 de outubro de 2015

NOBEL DE LITERATURA, 2015

A escritora bielorrusa Svetlana Alexiévich é a gañadora do Premio Nobel de Literatura 2015.
Escritora e xornalista, retratou en lingua rusa a realidade e o drama de gran parte da poboación da antiga URSS, así como dos sufrimentos de Chernóbil, a guerra de Afganistán e os conflitos do presente en obras como La guerra no tiene rostro de mujer, Los chicos de zinc ou Voces de Chernóbil. 

mércores, 7 de outubro de 2015

PREMIO NACIONAL DE LITERATURA INFANTIL E XUVENIL, 2015

A escritora Ledicia Costas gañou o Premio Nacional de Literatura Infantil e Xuvenil coa súa novela "Escarlatina, a cociñeira defunta", unha obra "extraordinaria, humorística e rompedora".
A novela narra as aventuras de Román, un mozo de 10 anos que quere ser chef. O día dos seus aniversarios recibe unha caixa misteriosa en forma de cadaleito. Dentro desa caixa está Escarlatina, unha cociñeira falecida no século XIX que lle axudará a cumprir o seu soño.