mércores, 18 de outubro de 2017

SAMAÍN 2017


Comeza a conta atrás para o Samaín cun taller de manualidades que, dende o Dpto de Extraescolares, se organiza para os de 1º da ESO e que se realizará durante as titorías.

Cos resultados decoraremos a biblioteca e outras dependencias do centro.
Que a creatividade nos sorprenda!!!!!!

martes, 17 de outubro de 2017

PREMIO NACIONAL DE NARRATIVA, 2017


Fernando Aramburu (San Sebastián, 1959), coa obra Patria, obtivo o Premio Nacional de Literatura na modalidade de Narrativa.
O xurado destacou a obra galardoada "pola profundidade psicolóxica dos personaxes, a tensión narrativa e a integración dos puntos de vista, así como pola vontade de escribir unha novela global sobre uns anos convulsos no País vasco".
 'Patria', de Fernando Aramburu
Aramburu, licenciado en Filoloxía Hispánica, é autor das novelas Fuegos con limón (1996), Los ojos vacíos (2000), El trompetista del Utopía (2003), Bami sin sombra (2005), Viaje con Clara por Alemania (2010), Años lentos (2012), La gran Marivián (2013), Ávidas pretensiones (2014), Las letras entornadas (2015) e Patria.
Publicou tamén varias coleccións de relatos como Los peces de la amargura (2006), sobre as vítimas de ETA. 



luns, 16 de outubro de 2017

CHEGAN OS PIRATAS Á CAÑIZA!

Desde a biblio de Infantil e Primaria, o profesorado colaborador da mesma organizou con motivo do mes da Biblioteca unhas xornadas motivadoras para todo o alumnado que terán lugar ao longo desta semana e nas que se informará sobre o funcionamento, normas, recursos dispoñibles... a través do xogo da busca do tesouro. 

CHORAMOS



PREMIO PLANETA DE NOVELA, 2017


Javier Sierra e Cristina López Barrio son o gañador e a finalista, respectivamente, da 66ª edición deste galardón.
Javier Sierra, autor de éxito internacional, recibiu o premio mellor dotado das letras españolas, retribuído con 601.000 euros, por El Fuego invisible, unha obra na que desprega todo o seu talento co thriller histórico nunha trama que xira ao redor do Santo Graal.
A madrileña Cristina López Barrio foi a outra finalista con Niebla en Tánger, unha novela na que narra as aventuras dunha moza muda na busca dun misterioso descoñecido.

venres, 6 de outubro de 2017

NOBEL LITERATURA, 2017

 Resultado de imagen de NOBEL DE LITERATURA 2017
Kazuo Ishiguro, autor británico de orixe xaponesa, recibe o Premio Nobel de Literatura 2017.
Trátase dun dos autores máis interesantes da literatura anglosaxoa desde a súa primeira novela, Pálida luz en las colinas. Varias das súas novelas foron levadas ao cinema, como Nunca me abandones ou Lo que queda del día.
A obra de Ishiguro é pausada e serena, o seu gran dominio da linguaxe permitiulle viaxar desde escenarios clasicistas á ciencia ficción ou á fantasía. Versátil, si, pero sen deixar nunca de practicar un estilo no que os personaxes cobran gran importancia e que acaba sendo plenamente reconocible.

mércores, 4 de outubro de 2017

PREMIO NACIONAL DE LITERATURA INFANTIL E XUVENIL, 2017

http://www.abc.es/media/cultura/2017/10/03/Antonio-Garcia-Teijeiro-U10107476060t6--620x349@abc.jpg
Antonio García Teijeiro foi galardoado co Premio Nacional de Literatura Infantil e Xuvenil 2017 polo seu libro Poemar ou mar, ilustrado por Xan López Domínguez. Un libro, segundo o xurado, cargado de emoción, cunha brillante elección léxica, onde o mar é o gran protagonista, poboado de criaturas que transitan por orixinais e suxestivas composicións poéticas.
Antonio García Teijeiro, naceu en Vigo en 1952, e está considerado un dos poetas máis importantes de literatura infantil en lingua galega.
Entre a súa extensa bibliografía poética podemos atopar: Palabras do mar, Ventos, Lueiro de papel, Na fogueira dous versos, Os nosos versos.
En canto á narrativa, publicou títulos como En voz baixa, Honorato, o rato namorado, Verbas de sal e Recendos de aire sonoro.
 Poemar o mar

luns, 2 de outubro de 2017

CONCURSO, DÍA DA BIBLIOTECA

A Consellería de Cultura, Educación e Ordenación Universitaria no Calendario do Libro e da Lectura 2017, sinala o 24 de outubro como o día das bibliotecas.
E nós queremos celebralo co concurso "15 retos para outubro", no que pedimos localicedes na biblioteca 15 libros cunhas características moi especiais.
Pedide na biblioteca a ficha de participación e que a busca sexa grata.

OUTUBRO, MES DA BIBLIOTECA ESCOLAR

A Asociación Internacional de Biblioteconomía Escolar (IASL) aprobou, en decembro de 2007, que durante o mes de outubro de cada ano se celebre o Mes Internacional da Biblioteca Escolar. O lema deste ano 2017 é “"Conectando Comunidades e Culturas".
Dende a nosa Biblioteca, non encontramos mellor forma de unirnos a este lema, que recomendar Rutas de lectura, unha guía para traballar a lectura compartida. É un material gratuíto e descargable en pdf, que forma parte dun proxecto máis amplo no que participan todos os sectores do mundo do libro: educación, familias, librerías, bibliotecas, editoriais…

ABALARMÓBIL PARA AS FAMILIAS


A Xunta de Galicia, coa finalidade de aumentar o acercamento entre o profesorado e as familias, puxo en marcha "AbalarMóbil".
Trátase dunha aplicación que permite ás familias:
  • Acceder aos datos persoais.
  • Consultar as cualificacións.
  • Consultar e xustificar as faltas de asistencia.
  • Consultar as faltas de conduta.
  • Solicitar ou cancelar unha cita de titoría.
  • Consultar avisos ou notificacións por parte do profesorado ou do centro educativo.
Pódese instalar tanto no teléfono móbil como nunha tablet dende Apple store (se o sistema operativo é IOS) ou dende Play Store (se o sistema operativo é Android). 
Para acceder aos datos do alumno/a é necesario que o número de teléfono dende o que se usa a aplicación estea rexistrado no seu expediente do XADE (deberán preguntar no centro se non están seguros).
Vídeo titorial

Toda a información está na web "espazoAbalar".

martes, 26 de setembro de 2017

TARDE DE TEATRO

Onte pola tarde, o Dpto de Extraescolares organizou unha xornada de teatro na casa da cultura. O alumnado de 3º e 4º da ESO tivo a oportunidade de ver en escea Seis cubos negros en corpo branco de Aporía Escénica; obra sobre a represión feminina.




DÍA EUROPEO DAS LINGUAS

Moito por facer
Luís Davila para o Faro de Vigo, 27 setembro 2016

xoves, 21 de setembro de 2017

APRENDER A PENSAR COA BIBLIOTECA ESCOLAR

Cartel de Xosé Tomás
Este é o lema deste curso 2017-18 para os materiais que a Consellería de CEOU edita para a Biblioteca escolar.
Con el buscan unha biblioteca que nos aprenda a pensar a través da literatura, da divulgación, do cine, da música, dos club de lectura... dentro e fóra das aulas.

Nesta ocasión foi Xosé Tomás o creador que o interpreta.

luns, 11 de setembro de 2017

CALENDARIO ESCOLAR 2017-2018

A Coordinadora Galega de Equipos de Normalización e Dinamización Lingüística xa ten publicados os calendarios escolares para este curso.
Podemos descargar aquí o calendario anual ou os mensuais coas festas do noso Concello. Elixide o que vos conveña.

martes, 25 de xullo de 2017

CERVANTES CHICO, 2017

 Resultado de imagen de gonzalo moure libros
O 12 de xullo de 2017 reuniuse o xurado do Premio Cervantes Chico e acordou outorgar este galardón na súa XXI edición a Gonzalo Moure.
Gonzalo Moure naceu en Valencia en 1951. Destacan nel dúas grandes facetas: a literaria, cunha prestixiosa carreira no mundo da literatura xuvenil e infantil, e a solidaria, coa súa implicación en proxectos humanitarios,  especialmente a favor do pobo saharauí.
Estas vivencias servíronlle a miúdo no proceso creativo das súas historias, como El beso del Sahara, Musiki, El alimento de los dioses, Lili, Libertad , El síndrome Mozart e Nacho Chichones entre outras.

venres, 30 de xuño de 2017

DESPEDIDA

Comezan as vacacións e, con elas, o descanso, a praia, a diversión...
Cargaremos as pilas para comezar en setembro con moitas ganas.
Vémonos!!!!
 

luns, 26 de xuño de 2017

FESTIVAL DE FIN DE CURSO

O día 23 de xuño despedimos o curso cun festival no que houbo de todo: música, baile, teatro, cancións... e entrega de orlas nunha xornada moi emotiva.
O fin de festa estivo a cargo dos ex alumnos Rives e Darío Dk, coñecidos como Loucost.
LOUCOST
Aquí recollemos unha pequena mostra:

Os alumnos de 3º B fixeron unha recreación que nos levaba ás cantigas medievais.

Alumnos de 2º C a ritmo de rock and roll 

Alumnos de 3º e 4º co musical Grease.

FESTIVAL FIN DE CURSO, 16-17 on PhotoPeach

mércores, 21 de xuño de 2017

LETRAS GALEGAS, 2018

O Día das Letras Galegas de 2018 estará dedicado á escritora e profesora María Vitoria Moreno (Cáceres, 1941 - Pontevedra, 2005), segundo fixo público este sábado a RAG, presidida por Víctor Freixanes.
Licenciada en Filoloxía Románica en Madrid, María Vitoria Moreno chegou a Galicia en 1963, con só 22 anos, como profesora, e enseguida asumiu a cidadanía en galego, idioma no que enriqueceu as letras da comunidade tanto en narrativa como en estudos literarios, en ensaio, en poesía e en didáctica da lingua e da literatura galegas.

martes, 20 de xuño de 2017

FACÉNDONOS OÍR

Este curso foi o ano dos carteis reivindicativos con Andrea, a profesora de Plástica. Aquí temos unha mostra dos mellores.
 REIVINDICANDO on PhotoPeach

X XORNADAS CLUB

Recén chegados das xornadas, parece que non se deron mal.


martes, 6 de xuño de 2017

II FEIRA DO LIBRO DO CPI A CAÑIZA

  Tras o éxito do ano pasado da Feira do Libro e de novo coincidindo  coa semana das Letras Galegas, o día 19 de Maio celebramos a segunda edición desta Feira na que os nenos e nenas de Educación Infantil e Primaria intercambian libros, fomentando así o seu hábito lector nun ambiente festivo. 

O noso agradecemento especial as nosas eficientes e sempre dispostas colaboradoras da Biblioteca




Cada participante recibiu a cambio dos libros
entregados uns bonos que o día da Feira eran usados como pago




Que felices cos seus libros novos!




Cada neno/a participante  nesta actividade tiña
como agasallo unha chapa coa nosa querida mascota, Pandore










Desde o Equipo de Biblioteca queremos dar as grazas a todos os participantes, sen vós esta actividade non sería posible.

CONTACONTOS EN EDUCACIÓN INFANTIL E PRIMARIA

En  abril, para celebrar o día do libro, tivemos dous contacontos, un para os máis pequenos e outro para os maiores.
Dos máis pequenos encargouse Iago López, que nos contou o conto que acaba de publicar coa editorial Xerais, "O cociñeiro Martiño".

       




Moitas grazas a Iago por vir a deleitarnos co seu conto que como sempre foi todo un éxito entre os nenos e nenas da Cañiza.

En canto aos maiores, puideron disfrutar coa orixinalidade de Sabela Gago na posta en escea dos seus contos na que os propios nenos e nenas son os que deciden a temática, os personaxes, etc.


Agradecemos tamén a Sabela a súa visita e o rato divertido que nos fixo pasar.